Battery Care

डिप साइकल ब्याट्रि भनेको के हो त ? डीप साइकल ब्याट्री भनेको लामो समयसम्म पूर्ण रूपमा डिस्चार्ज नभएसम्म भरपर्दो रूपमा ब्याक-अप दिन डिजाइन गरिएको लिड-एसिड वा लिथियम-आयन ब्याट्री हो । कार ब्याट्री जसले इन्जिन स्टार्ट गर्न उच्च करेन्ट (झण्डै ब्याट्रिको ‍Ah को ३ गुणा) एकदम छोटो समय (५-७ सेकेण्ड) को  लागी प्रदान गर्दछ, डिप साइकल ब्याट्री “साइकल” गर्नको लागि बनाइएको हुन्छ (एक पटक पूर्ण रुपमा डिस्चार्ज भएर फेरि पुरा रिचार्ज भएपछिको अवस्थालाई १ साइकल (चक्र) मानिन्छ ।) डीप साइकल ब्याट्रि सयौं वा हजारौं पटक डिस्चार्ज र रिचार्ज हुने गरि बनाइएको हुन्छ । इन्जिन स्टार्ट गर्ने ब्याट्री धेरै पटक डीप डिस्चार्ज भए खराब हुने सम्भावना अधिक रहन्छ । डीप साइकल ब्याट्री कसरी काम गर्छ ? डीप साइकल ब्याट्री र स्टार्टिङ (क्र्याङ्किङ) ब्याट्री बीचको आधारभूत भिन्नता यसको निर्माणमा निहित छ, विशेष गरी भित्रको लिड प्लेटहरू। प्लेट मोटाई र घनत्व डीप साइकल ब्याट्रीहरू: यी मात्रमा कम, धेरै बाक्लो ठोस लिड प्लेटहरू प्रयोग गरिएको हुन्छ । सक्रिय पदार्थ धेरै हुन्छ र चार्ज र डिस्चार्ज चक्रको समयमा बारम्बार रासायनिक प्रतिक्रियाहरूको मेकानिकल तनाव सामना गर्न डिजाइन गरिएको हुन्छ।  डीप साइकल ब्याट्रीहरू: यी मात्रमा कम, धेरै बाक्लो ठोस लिड प्लेटहरू प्रयोग गरिएको हुन्छ । सक्रिय पदार्थ धेरै हुन्छ र चार्ज र डिस्चार्ज चक्रको समयमा बारम्बार रासायनिक प्रतिक्रियाहरूको मेकानिकल तनाव सामना गर्न डिजाइन गरिएको हुन्छ। प्रयोग हुने प्रमुख ठाउँहरु सोलार सिस्टमहरूमा, ब्याट्रीले ऊर्जाको लागि “टाइम मेसिन” को रूपमा काम गर्दछ। सौर्य प्यानलहरूले सूर्य चम्किरहेको बेला मात्र शक्ति उत्पादन गर्दछ, तर खपत प्रायः रातमा चरम सीमामा हुन्छ। भर्टरले DC पावर (ब्याट्रीबाट) लाई AC पावर (घरमा प्रयोग योग्य) मा रूपान्तरण गर्दछ । जब ग्रीड कट-अफ हुन्छ, इन्भर्टरले फ्रिज, कम्प्युटर र बत्तीहरू जस्ता उपकरणहरू चलाउन ब्याट्रीबाट पावर लिन्छ । डुङ्गाहरूले प्रायः दुई प्रकारका ब्याट्रीहरू प्रयोग गर्छन्: एउटा इन्जिनको लागि र अर्को यसले मुख्य इन्जिन बन्द हुँदा बत्तीहरू, नेभिगेसन प्रणालीहरू, रेडियोहरू र माछा खोज्नेहरूलाई पावर दिन्छ। बिशेषता डिप साइकल ब्याट्रि इन्जिन स्टार्ट गर्ने ब्याट्रि प्लेटको संख्या थोरै धेरै प्लेटको मोटाइ बाक्लो पातलो प्लेटको साईज कम क्षेत्रफल भएको धेरै क्षेत्रफल भएको पावर डिलिभरि लामो समयसम्म स्थिर पावर दिन सक्ने कम समयको लागी उच्च करेन्ट दिन सक्ने मज्बुती बारम्बार डिप डिस्चार्ज झेल्न डिजाइन गरिएको धेरै पटक डिप डिस्चार्ज भएमा बिग्रन सक्ने प्रयोग ईन्भर्टर, सोलार, इलेक्ट्रोनिक्स सामान इन्जिन स्टार्ट गर्ने

किन ब्याट्री बारम्बार डिस्चार्ज भइरन्छ त ? १. खराब अल्टरनेटर: गाडी चलिरहे पनि र ब्याट्रि चार्ज गरेपछि ठिक भएपनि बारम्बार ब्याट्री डिस्चार्ज भइरहेको हुन्छ । बेला-बेलाम यस्तो समस्या आइरहेको हुन्छ, चार्ज गरेर प्रयोग गर्नुहुन्छ फेरि १.५-२ महिनामा त्यहि समस्या आउछ, यसो किन हुन्छ त? यसको बारेमा केहि कुराहरु हेर्नेछौं । गाडी स्टार्ट नहुने ३ कारण  इन्जिन चलिरहे पनि अल्टरनेटर खराब छ भने ब्याट्री चार्ज गर्न सक्दैन तर ब्याट्रीमा चार्ज रहुन्जेल सम्म भने गाडी स्टार्ट भइरहन्छ । अल्टरनेटरमा वाइन्डिङ्ग बिग्रेमा, ब्रश धेरै खिइएको छ भने, रेगुलेटर सर्किट बिग्रेको वा डायोडहरु बिग्रेमा, बेल्ट लुज भएमा ब्याट्री चार्ज हुन सक्दैन । अलटरनेटर खराब भएको संकेतहरूमा हेडलाइटहरू मधुरो बल्ने, ड्यासबोर्डमा चेतावनी बत्ती हुने हुन । एक्सलेटर बढाउंदा ब्याट्रीमा भोल्टेज १४-१४.४० v पुग्नु पर्छ, अन्यथा ब्याट्री पुर्ण रुपमा चार्ज हुन सक्दैन र १-१.५ महिनमा ब्याट्री पुर्ण डिस्चार्ज हुन्छ । २. लिकेज करेन्ट: इन्जिन बन्द हुँदा पनि विद्युतीय कम्पोनेन्टहरूले ब्याट्रीबाट करेन्ट तान्न जारी राख्दा ब्याट्री डिस्चार्ज हुन्छ । खराब तार, अलार्म वा अडियो सर्किट, वाइपर, हेड लाइट आदीमा सर्ट सर्किट हुंदा ब्याट्रीबाट करेन्ट लिकेज हुन्छ । धेरै लिकेज करेन्ट छ भने ब्याट्रीलाई पुर्ण रुपमा डाउन गर्न सक्छ र यो छोटो समयमा अल्टरनेटरले रिचार्ज गर्न सक्दैन । अब यसलाई सर्भिस सेन्टरमा नै चार्ज गराउनुपर्ने हुन्छ । साँचो अफ हुंदा 0.02-0.08A र साँचो अन हुंदा 0.5A भन्दा धेरै लिकेज करेन्ट हुनु हुंदैन । ३. मेन तारहरुमा खराबी: ब्याट्रीमा जोडिने मेन तारहरुको खराबीको कारणले ब्याट्रीमा पुर्ण रुपमा करेन्ट नपुग्ने हुनाले ब्याट्री डिस्चार्ज भइरन्छ । ४. ब्याट्रीमा समस्याहरू: ब्याट्री पुरानो छ भने, ब्याट्रीको टर्मिनलहरु खराब छ भने र ब्याट्रीको माथिको टप एसिड सहितको चिसोपना वा भजेको छ भने पनि ब्याट्री डिस्चार्ज भइरहने समस्या रहन्छ । ५. अत्याधिक विद्युतीय भार: यदि सवारी साधनको विद्युतीय प्रणालीले अल्टरनेटरले उत्पादन गर्न सक्ने भन्दा बढी लोड तानिरहेको छ भने, अब लोडमा ब्याट्रीबाट करेन्ट जान्छ । एयर कन्डिसनिङ, हेडलाइट र शक्तिशाली अडियो प्रणाली जस्ता धेरै उच्च-शक्तिका सामानहरू एकैसाथ प्रयोग गर्दा पनि ब्याट्री बिस्तारै डिस्चार्ज हुंदै जाने हुन्छ ।

ईन्भरटर ब्याट्रीको आफैले कसरी हेरचाह गर्ने ? हामी प्राय जसो ईन्भरटरको लागी पानी भएको लिड एसिड ब्याट्री नै प्रयोग गर्छौं । जेल तथा VRLA ब्याट्रीमा खासै हेरचाह गरि रहन पर्दैन । पानी भएको ब्याट्रीमा पानी कम हुने, टर्मिनलमा खिया लाग्ने हुनाले बेला-बेलामा यसको हेरचाह गरिरहन आवश्यक हुन्छ । यसो गर्यौं भने लामो समय सम्म प्रयोग गर्न सकिन्छ । हेरचाहका केही सुझावहरू जो आफैले घरैमा पनि गर्न सकिन्छ: इलेक्ट्रोलाइट लेभल जाँच गर्नुहोस: ब्याट्री नयाँ छ भने ४-५ महिनाको अन्तरमा र पुरानो छ भने ३-३ महिनाको अन्तरमा नियमित रूपमा ब्याट्रीमा पानीको लेभल हेर्नुहोस । बाहिरबाट लेभल हेर्नलाई कम्पनिहरुले ब्याट्रीमा लेभलर दिएका हुन्छन । यदि यो कम छ भने, बिश्वासिलो ठाउँको डिस्टिल्ड वाटर थप्नुहोस । पानी थप्नलाई सोलिको प्रयोग गर्न सक्नु हुन्छ ताकी पानी बाहिर नपोखियोस ।      ब्याट्रीमा पानीलो लेभल कसरी हेर्ने ? टर्मिनलहरू सफा गर्नुहोस: ब्याट्री टर्मिनलहरू र माथिको भाग सफा र सुख्खा राख्नुपर्छ ताकी करेन्ट लिकेज नहोस । टर्मिनलहरू सफा गर्न बेकिंग सोडा र पानीको मिश्रण प्रयोग गर्नुहोस । सोडा पानीले एसिडलाई काट्ने भएकोले यसको प्रयोग गर्नु उपयुक्त हुन्छ र ब्याट्री पनि सुख्खा हुन्छ । टर्मिनमा निलो पाउडर जम्मा भएको भए तातो पानी हाल्नुहोस यो बरफ जस्तै पग्लेर जान्छ । अनि ब्रसले सफा गरेर पेट्रोलियम जेली तथा डाइ-इलेक्ट्रिक ग्रीजको प्रयोग गर्नुहोस । यसले टर्मिनलहरुलाई हाइड्रोजन, सल्फर ग्यास तथा अक्सिजनको सिधा सम्पर्कमा आउन दिदैन र खीया लाग्न कम हुन्छ । तारमा पनि निलो लागेको भय तातो सोडा पानीमा केहिछिन डुबायर छोड्नुहोस अनि कपडाले पुछ्नुहोस । निलो पाउडर जम्मा भएको टर्मिनल फोहोर टर्मिनल र वरिपरि चिसो सुख्खा र सफा टर्मिनल पेट्रोलियम जेली अन्य कुराहरुः सफा गर्न भन्दा अघि चार्जिङ्गको तार पावर सकेटबाट झिक्नुहोस र इन्भरटरको स्वीच अफ गर्नुहोस, अनि मात्र ब्याट्रीको तार खोल्नुहोस । इन्भरटरमा कतिमा सामान्य स्वीच टाइपको हुन्छ भने कतिमा पुस गर्ने खालको हुन्छ । कति जना करेन्ट लाग्ने डर मान्नुहुन्छ तर यसमा चार्जिङ्ग र इन्भरटरको स्वीच अफ गरेपछि करेन्ट लाग्दैन । सफा गर्दा मेडिकल पञ्जाको प्रयोग गर्नु राम्रो हुन्छ । रेन्च १३-१४ को राख्नुहोस । जोड्दा अलिकति स्पार्क गर्छ, नआत्तिनुहोस । चार्जिङ्ग सकेट इनभरटर पुस बटन स्वीच इन्भरटर स्वीच ब्याट्रीलाई चिसो, सुख्खा र राम्रो हावा चल्ने ठाउँमा, काठ वा प्लाईबोर्ड बिछ्यायर राख्नुहोस । यसलाई प्रत्यक्ष घाम पर्ने वा कुनै तातो कुराहरुको नजिक नराख्नुहोस । इन्भर्टरले ह्यान्डल गर्न नसक्ने अत्याधिक भारहरू जडान नगर्नुहोस, यसले ब्याट्रीमा अनावश्यक तनाव रोक्न मद्दत गर्दछ ।

  तपाईं हामीले आफ्नो ब्याट्री कहिले बदल्नुपर्छ ? मोटरसाइकल र गाडीहरुको लागी ढिलो इन्जिन क्र्याङ्किङ्ग: यदि गाडी ढिलो गरि स्टार्ट हुँदैछ भने, ब्याट्रीले पर्याप्त स्टार्टिंग पावर प्रदान नगरेको हुन सक्छ। बारम्बार जम्प-स्टार्ट: बारम्बार जम्प-स्टार्टहरू आवश्यक हुनु भनेको तपाईंको ब्याट्रीले राम्रोसँग काम नगरेको हुन सक्छ। मधुरो लाइटहरू: डिमिङ हेडलाइटहरू वा अरु उपकरणहरूमा कम पावर जानुले ब्याट्री कमजोर भएको संकेत गर्न सक्छ। असामान्य गन्ध : सल्फर वा सडेको अण्डाको  जस्तो गन्धले ब्याट्री भित्रको क्षतिलाई संकेत गर्दछ । अल्टरनेटरको ओभर चार्जिंगले पनि यस प्रकारको गन्ध आउने हुन्छ । ब्याट्रीमा पानी चाँडो कम (लीड-एसिड): ब्याट्रीले चाँडो-चाँडो पानी खाईरहेको छ भने कि ब्याट्री बिग्रिएको हुन्छ कि ब्याट्री पुरानो छ, कि अल्टरनेटरको चार्जींग धेरै छ भन्ने हुन्छ । फुल्लिने वा चुहावट : कुनै पनि सुन्निने, फुल्ने, वा तरल पदार्थ चुहावटले आन्तरिक क्षतिलाई जनाउँछ र तत्काल परिवर्तन आवश्यक हुन्छ। ब्याट्री उमेर : ब्याट्रीको आफ्नो अपेक्षित आयुमा पुगिसकेपछि खराब हुने सम्भावना बढी हुन्छ । ब्याट्री लाइट: चेक इन्जिन वा ब्याट्री लाइटले ब्याट्रीमा समस्या वा भोल्टेज कम भएको सुझाव दिन्छ। कम भोल्टेज: मल्टिमिटरमा लगातार भोल्टेज १२.६ भन्दा कम हुँदै जानुको मतलब ब्याट्री कमजोर छ । इन्भरटर तथा सोलार ब्याट्रीको लागी कम ब्याकअप समय : समयसंगै ब्याकअप कम हुंदै जानु सोभविक हो तर एक्कासि एकदमै ब्याकअप कम भयो भने ब्याट्री बदल्नु पर्ने हुन्छ । बिजुलीको बिल धेरै आउने : ब्याट्री पुरानो भयो भने वा बग्रेको छ भने धेरै समय चार्जिङ्ग भइरहने भएकोले बिजुली धेरै खपत हुन जान्छ । सामान्य लोडहरुमा पनि बिजुली धेरै खपत भैरहेको छ भने ब्याट्री बदल्ने बेला भो भन्ने संकेत दिन्छ । असामान्य गन्ध : सल्फर वा सडेको अण्डाको  जस्तो गन्धले ब्याट्री भित्रको क्षतिलाई संकेत गर्दछ । अल्टरनेटरको ओभर चार्जिंगले पनि यस प्रकारको गन्ध आउने हुन्छ । ब्याट्रीमा पानी चाँडो कम (लीड-एसिड): ब्याट्रीले चाँडो-चाँडो पानी खाईरहेको छ भने कि ब्याट्री बिग्रिएको हुन्छ कि ब्याट्री पुरानो छ, कि इन्भरटर खराब छ भन्ने हुन्छ । इन्भरटरको कारण यस्तो हुने धेरै कम हुन्छ । फुल्लिने : कुनै पनि सुन्निने, फुल्ने, वा तरल पदार्थ चुहावटले आन्तरिक क्षतिलाई जनाउँछ र तत्काल परिवर्तन आवश्यक हुन्छ। ब्याट्री उमेर : ब्याट्रीको आफ्नो अपेक्षित आयुमा पुगिसकेपछि खराब हुने सम्भावना बढी हुन्छ । कम भोल्टेज : मल्टिमिटरमा लगातार भोल्टेज १२.६ भन्दा कम हुँदै जानुको मतलब ब्याट्री कमजोर छ । तपाइ हामीले ब्याट्री कहिले बदल्ने भन्ने थाहा पाउन यी संकेतहरू कति पटक देखा पर्दछ र तपाइँको ब्याट्री कति पुरानो हो भन्ने कुरामा निर्भर गर्दछ । यदि तपाईंले यी दुई वा बढी लक्षणहरू देखिरहनु भएको छ भने, ब्याट्री बदल्नु आवश्यक छ कि छैन भनेर जाँच गर्न आधिकारिक सर्भिस सेन्टरमा ब्याट्री स्वास्थ्य जाँच गराउनु बुद्धिमानी हुन्छ, किनभने वारेन्टिका कुराहरु पनि हुन सक्छ । नियमित मर्मतसम्भार र समयमै ब्याट्री बदल्नाले अप्रत्याशित रुपमा ब्याट्री बिग्रने कुराहरुबाट बच्न मद्दत गर्न सक्छ।  

बिभिन्न प्रकारका ब्याट्रीका समस्या र समाधान अटोमोटिभ, इन्भर्टर, र सौर ब्याट्रीहरूको सामान्य समस्याहरू र निवारणका सुझावहरू छन । अटोमोटिभ ब्याट्री १. समस्या: खराब ब्याट्री * कारण:      बत्ती वा इलेक्ट्रोनिक्स छोड्ने, अत्यधिक तापक्रम, वा पुरानो ब्याट्री। * समाधान:    अर्को गाडी वा पोर्टेबल जम्प स्टार्टर प्रयोग गरेर ब्याट्री जम्प-स्टार्ट गर्नुहोस्। यदि ब्याट्री बारम्बार डिस्चार्ज हुन्छ भने ब्याट्री बदल्नुहोस। २. समस्या: खिया लागेका ब्याट्री टर्मिनलहरू * कारण:    चिस्यानसंगको सम्पर्क र एसिड चुहावट । * समाधान:    बेकिंग सोडा र पानीको मिश्रणले टर्मिनलहरू सफा गर्नुहोस्, त्यसपछि भविष्यमा खिया रोक्न पेट्रोलियम जेली वा एन्टी-करोसन स्प्रे लगाउनुहोस्। ३. समस्या:     स्टार्ट हुन लामो समय लिने । * कारण:      ब्याट्रीको कम भोल्टेज कारण आंशिक डिस्चार्ज वा खराब ब्याट्री । * समाधान:    ब्याट्रीलाई पूर्ण रूपमा चार्ज गर्नुहोस्, अल्टरनेटरको निरीक्षण गर्नुहोस्, र ब्याट्री ठिक छ कि छैन चेक गराउनुहोस। आवश्यक भएमा बदल्नुहोस्। ४. समस्या: ब्याट्री ओभर हिटिंग * कारण:      ओभरचार्जिङ, खराब अल्टरनेटर, खराब ब्याट्री वा आन्तरिक सर्ट । * समाधान:    तुरुन्तै ब्याट्री प्रयोग गर्न बन्द गर्नुहोस्, चार्जिङ प्रणालीको निरीक्षण गर्नुहोस्, र ब्याट्री भएमा बदल्नुहोस्। ईन्भरटर ब्याट्री १. समस्या: ब्याट्री चार्ज नहुने * कारण:      खराब इन्भर्टर, खुकुलो तार, धेरै कम चार्जिंग भोल्टेज वा खराब ब्याट्री। * समाधान:    उचित तार र इन्भर्टर कार्यक्षमता जाँच गर्नुहोस । ब्याट्रीमा चार्ज रुक्दैन भने ब्याट्री बदल्नुहोस । २. समस्या: कम ब्याकअप समय * कारण:      सल्फेसन, अनुचित चार्ज, वा पुरानो ब्याट्री। * समाधान:    उचित चार्जिङ चक्र सुनिश्चित गर्नुहोस्, गहिरो डिस्चार्ज रोक्नुहोस्, र आवश्यक भएमा ब्याट्री भोल्टेज बराबर गर्नुहोस्। पुरानो ब्याट्री बदल्नुहोस्। ३. समस्या: ब्याट्री ओभरहेटिंग * कारण:      अत्यधिक चार्ज वा पर्याप्त भेन्टिलेसन नभएको । * समाधान:    उचित भेन्टिलेसन सुनिश्चित गर्नुहोस् र इन्भर्टर ठीकसँग काम गरिरहेको छ भनी प्रमाणित गर्नुहोस्। ओभरहेटेड ब्याट्रीहरू बदल्नुहोस्। ४. समस्या: एसिड पोखिएको * कारण:      धेरै डिस्टिल्ड वाटर थपेको, ब्याट्री फुटेको, वा ओभर चार्जिंग । * समाधान:    स्पिलेजलाई सावधानीपूर्वक सफा गर्नुहोस् र ठिक मात्रमा डिस्टिल्ड वाटर थप्नुहोस । ब्याट्री मर्मत गर्नुहोस् वा बदल्नुहोस्। ब्याट्रीमा पानीको मात्रा कसरी हेर्ने ? सोलार ब्याट्री १. समस्या: ब्याट्रीले चार्ज नलिरहेको । * कारण:      घाम कम लागेको, ब्याट्री सल्फेसन भएको  वा ब्याट्री पुरानो भएको । * समाधान:    सौर्य प्यानलहरू राम्ररी काम गरिरहेका छ कि छैन जाँच गर्नुहोस र धुलो, फोहोर भएमा सफा गर्नुहोस । आवश्यक भएमा ब्याट्रीलाई डिसल्फेट गर्नुहोस्, वा धेरै पुरानो भएमा यसलाई बदल्नुहोस्। २. समस्या: ब्याट्री फुल्लिने * कारण:      अत्याधिक सौर्य इनपुटको कारणले ओभर चार्जिङ वा धेरै तातिएर । * समाधान:    भोल्टेज र करन्टलाई नियमित गर्न चार्ज कन्ट्रोलर स्थापना गर्नुहोस्। खराब ब्याट्रीहरू बदल्नुहोस्। ३. समस्या: भोल्टेज छिट्टै घट्छ । * कारण:      केबलहरूमा कमजोर मर्मत, सल्फेसन वा उच्च प्रतिरोध। * समाधान:    उचित मर्मतसम्भार, सफा टर्मिनलहरू, र केबुलहरूको निरीक्षण गर्नुहोस्। ब्याट्री सेलहरू बराबर गर्नुहोस् र आवश्यक भएमा डिसल्फेट गर्नुहोस्। ४. समस्या: ब्याट्री ओभर-डिस्चार्ज * कारण:      धेरै लोड  वा अपर्याप्त ब्याट्री साईज । * समाधान:    ऊर्जाको खपतलाई निगरानी गर्नुहोस् र ब्याट्री क्षमता बढाउन वा उच्चतम खपतको समयमा लोड घटाउने बारे विचार गर्नुहोस्।

विभिन्न प्रकारका ब्याट्रीको हेरचाह कसरी गर्ने ? सबै प्रकारका ब्याट्रीहरूलाई राम्ररी राख्नाले तिनीहरूको आयु लम्ब्याउन सकिन्छ । यहाँ विभिन्न प्रकारका ब्याट्रीहरू दुरुस्त राख्नका लागि सामान्य जानकारीहरु छन । लीड-एसिड (LA) ब्याट्रीहरू (अटोमोटिभ, इन्भर्टर आदिमा प्रयोग हुने ) इलेक्ट्रोलाइटको लेभलहरू नियमित रूपमा जाँच गर्नुहोस् र आवश्यक भएमा डिस्टिल्ड वाटर थप्नुहोस । ब्याट्रीमा पानीको हेर्नुहोस टर्मिनलहरूमा खीया लागेमा तथा फोहोर भएमा सफा गर्नुहोस्। ब्याट्रीको माथिको भाग संधै सुख्खा राख्नुहोस । ओभरचार्जिङ र डिप डिस्चार्जिंगबाट बच्नुहोस् किनभने यसले ब्याट्रीलाई हानी पुर्‍याउन सक्छ । सबै सेलहरूमा बराबर चार्ज गर्न कहिलेकाहीं बिश्वासिलो सर्भिस सेन्टरमा लगेर चार्ज गराउनुहोस । चिसो, सुख्खा ठाउँमा ब्याट्रीलाई राख्नुहोस । लिथियम-आयन (Li-ion)ब्याट्रीहरू (सौर्य तथा सम्पूर्ण इलेक्ट्रोनिक्स, इलेक्ट्रिक गाडीहरुमा प्रयोग हुने) ब्याट्री पूर्ण रूपमा डिस्चार्ज हुन नदिनुहोस्। 20-80% को बीचमा चार्ज राख्नुहोस्। उच्च तापक्रमबाट बचाउनुहोस । चिसो, सुख्खा ठाउँमा भण्डार गर्नुहोस्। उपयुक्त चार्जर प्रयोग गर्नुहोस् र ओभरचार्ज नगर्नुहोस्। ब्याट्री पूर्ण चार्ज भएपछि यसलाई अनप्लग गर्नुहोस्। ब्याट्रीलाई सक्रिय राख्न नियमित रूपमा प्रयोग गर्नुहोस्। यदि लामो समयको लागि स्टोर गरिएको छ भने, रिफ्रेस चार्ज गर्नुहोस । लामो समयसम्म नचलाई राख्नु परेमा, लगभग 50% चार्जमा गर्नुहोस् र बेला-बेलामा जाँच गर्नुहोस्। निकेल-क्याडमियम (Ni-Cd) ब्याट्रीहरू ( पोर्टेबल इलेक्ट्रोनिक्स सामानमा प्रयोग हुने ) ओभर चार्ज हुन नदिन कट-अफ मेकानिजम भएको चार्जर प्रयोग गर्नुहोस । चिसो, सुख्खा ठाउँमा भण्डार गर्नुहोस् र उच्च तापमानबाट बचाउनुहोस । ब्याट्रीको कार्यसम्पादन कायम राख्न नियमित रूपमा प्रयोग गर्नुहोस्। निकेल-मेटल हाइड्राइड (Ni-MH) ब्याट्रीहरू ( पोर्टेबल इलेक्ट्रोनिक्स सामानमा प्रयोग हुने ) बढी चार्ज हुन नदिन स्मार्ट चार्जर प्रयोग गर्नुहोस्। Ni-MH ब्याट्रीहरू बारम्बार पूर्ण रूपमा डिस्चार्ज गर्ने प्रयास नगर्नुहोस्। ब्याट्रीलाई कोठाको तापक्रममा राख्नुहोस्। चिसो वा धेरै तातोबाट बचाउनुहोस । ब्याट्रीको क्षमता कायम राख्न कहिलेकाहीं पूर्ण डिस्चार्ज र रिचार्ज चक्र गराउनुहोस । यो पनि पढ्नुहोस “बिभिन्न ब्याट्रीका समस्या र समाधान“

ब्याट्री सम्बन्धि केहि भ्रम तथा यसका सत्यताहरु भ्रम १: ब्याट्रीहरूलाई फ्रिजरमा भण्डारण गर्दा तिनीहरूको आयु बढ्छ । सत्यता :यो सत्य हो कि चिसो तापक्रमले ब्याट्रीहरूमा हुने रासायनिक प्रतिक्रियाहरूलाई कम गर्न सक्छ, तिनीहरूलाई फ्रिजरमा भण्डारण गर्दा कन्डेन्सेसन हुन सक्छ, जसले गर्दा ब्याट्रीमा क्षति हुन सक्छ । ब्याट्रीहरू भण्डारण गर्ने उत्तम ठाउँ कोठाको तापक्रम र सुख्खा ठाउँ हो। भ्रम ३: फास्ट चार्ज गर्दा ब्याट्रीलाई हानी हुन्छ । सत्यता: केहि हदसम्म यो भनाई ठिक हो । फास्ट चार्जिङले ब्याट्री छिटो तातिने हुन सक्छ । फास्ट चार्जिङ ब्याट्रीहरूको सुरक्षालाई ध्यानमा राखेर डिजाइन गरिएको हुन्छ । उत्पादकहरूले क्षति रोक्न सुरक्षात्मक सर्किटहरू प्रयोग गर्दछन । यद्यपि, लगातार छिटो चार्जिङ प्रयोग गर्दा धेरै तातो उत्पन्न हुन सक्छ, जसले ब्याट्रीलाई समयसँगै घटाउन सक्छ । सामान्य र फास्ट चार्जिङ बीचको सन्तुलनले ब्याट्रीको आयु लम्ब्याउन मद्दत गर्छ। भ्रम ५: ब्याट्री बढी चार्ज गर्दा विस्फोट हुन सक्छ । सत्यता: आधुनिक ब्याट्रीहरू, विशेष गरी लिथियम-आयन, ओभर चार्जिंग रोक्नको लागी कन्ट्रोल सर्किटहरू हुन्छन जसले ब्याट्री पुरा चार्ज भएपछि कटअफ गर्छन । कटअफ सिस्टम बिग्रेमा तातिने, फुल्ने, लिड एसिड ब्यट्रीमा पानी सुक्ने हुन सक्छ । भ्रम ७: तपाईंले सधैं निर्माताको चार्जर प्रयोग गर्नुपर्छ । सत्यता: मेन चार्जर प्रयोग गर्दा अनुकूलता र उच्चतम चार्जिङ सुनिश्चित हुन्छ, उच्च गुणस्तरको तेस्रो-पक्ष चार्जरहरू पनि सुरक्षित र प्रभावकारी हुन सक्छन्। मुख्य कुरा भनेको चार्जरले सही भोल्टेज र एम्पेरेज आवश्यकताहरू पूरा गरेको र प्रतिष्ठित ब्रान्डको हो भन्ने सुनिश्चित गर्नु हो। भ्रम २: रिचार्ज गर्नु अघि आफ्नो ब्याट्रीलाई पूर्ण रूपमा डिस्चार्ज गर्न दिँदा यसको आयु बढ्छ । सत्यता: यो मिथक पुरानो ब्याट्री प्रविधिहरू जस्तै NiCad (निकेल-क्याडमियम) ब्याट्रीहरूबाटको धारणा हो। आधुनिक लिथियम-आयन ब्याट्रीहरू, सामान्यतया इलेक्ट्रोनिक्स र सवारी साधनहरूमा प्रयोग गरिन्छ, 20% देखि 80% सम्म चार्ज हुँदा राम्रो प्रदर्शन गर्दछ। तिनीहरूलाई पूर्ण रूपमा डिस्चार्ज गर्न दिंदा वास्तवमा तिनीहरूको आयु छोटो हुन सक्छ । भ्रम ४: ब्याट्रीको कार्यसम्पादन पुरानो हुँदै जाँदा घट्दै जान्छ । सत्यता :यो आंशिक सत्य हो। सबै ब्याट्रीहरू समयको साथमा घट्छन्, तर उचित हेरचाहले प्रक्रियालाई महत्त्वपूर्ण रूपमा ढिलो गर्न सक्छ। अधिक तापक्रम, ओभरचार्जिङ र पूर्ण रूपमा डिस्चार्ज नगर्दा लामो समयसम्म कार्यसम्पादन कायम राख्न मद्दत मिल्छ । भ्रम ६: चार्ज गर्दै प्रयोग गर्दा ब्याट्रीलाई नोक्सान हुन्छ । सत्यता :चार्ज भइरहेको बेला यन्त्र प्रयोग गर्दा ब्याट्रीलाई नोक्सान हुँदैन। यद्यपि, यसो गर्दा चार्ज गर्ने यन्त्र तातो हुन्छ, जसले समयसँगै ब्याट्रीको स्वास्थ्यलाई असर गर्न सक्छ। चार्ज गर्दा तपाईंको यन्त्र प्रयोग गर्न सामान्यतया सुरक्षित छ, तर धेरै तारो हुने गरि प्रयोग गर्नबाट बच्नु उत्तम हुन्छ। भ्रम ८: सबै ब्याट्रीहरू पुन: प्रयोग गर्न मिल्ने छन । सत्यता :सबै ब्याट्रीहरू पुन: प्रयोग गर्न मिल्ने हुंदैनन् । उदाहरणका लागि, अल्कालाइन ब्याट्रीहरूमा प्रायः लागत बढी लाग्ने कारण पुन: प्रयोग गर्न सकिँदैन, जबकि लिथियम-आयन, निकल-क्याडमियम, र लीड-एसिड ब्याट्रीहरू वातावरणीय हानि रोक्नको लागि पुन: प्रयोग गर्न सकिन्छ। यी भ्रमहरू हटाउनाले तपाईंले आफ्नो फोन, कार, वा घरलाई पावर दिइरहेको ब्याट्रीहरूबाट अधिकतम फाइदा लिन सकिन्छ । उचित ज्ञान र हेरचाहले तपाइँको ब्याट्रीको आयु मात्र बढाउँदैन तर तपाइँलाई सम्भावित खतराहरूबाट पनि सुरक्षित राख्छ ।

आफैले ब्याट्रीमा पानीको लेभल कसरी चेक गर्ने ? ब्याट्रीमा हुने एसिडको मात्रा सहितको पानीलाई इलेक्ट्रोलाइट भनिन्छ र यो इलेक्ट्रोलाइट ब्याट्रीमा सहि मात्रामा भइराख्नु पर्छ । किनभने सम्पुर्ण रसायनिक प्रतिक्रिया यहि इलेक्ट्रोलाइटमा हुन्छ । इलेक्ट्रोलाइट कम भएमा ब्याट्रिको प्लेटहरु खराब हुने, धेरै भएमा ब्याट्री पूरा चार्ज नहुने हुनाले यो ठिक मात्रामा हुनुपर्छ । ब्याट्री चार्ज हुँदा इलेक्ट्रोलाइट तातिने, उम्लने हुँदा केहि मात्रमा पानी सुक्न जान्छ जसले गर्दा हामीले बेला-बेलामा चेक गर्ने, कम भएमा डिस्टिल्ड वाटर मात्र थप्ने गर्नुपर्छ । यहाँ गाडी र इन्भरटरको ब्याट्रीमा फरक तरिकाले पानीको लेभल हेरिन्छ । आउनुहोस हामी आफैले ब्याट्रीमा पानीको मात्रा हेर्न सिकौं । १. गाडीको ब्याट्रीमा गाडीको ब्याट्रीमा पानी तथा चार्जको अवस्था हेर्नलाई इन्डिकेटर राखिएको हुन्छ, यसलाई म्याजि आई (जादुई आँखा) भनिन्छ । यो ढकन जस्तै खोल्न मिल्छ, सफा गर्न मिल्छ । यो कम्पनि अनुसार फरक-फरक हुन्छ । कसैले नराखेका पनि हुन सक्छन । यसमा इन्डिकेसनको लागी ३ वटा रंग राखिएको हुन्छ । हरियो : ब्याट्रीमा चार्ज पनि ठिक छ र पानीको मात्रा पनिठीक छ भने हरियो देखिन्छ । सेतो : ब्याट्रीमा ५०% भन्दा कम चार्ज भएमासेतो देखिन्छ । ( ग्र्याभिटि १.२०० भन्दा कम भएमा ) रातो : ब्याट्रीमा पानीको मात्रा कम भएमा रातोदेखिन्छ । धेरैले रातो भएमा ब्याट्री बिग्रेको भन्नु हुन्छ तर त्यसो होइन । डिस्चार्ज भएको डिस्टिल्ड वाटर कम भएको ओके ब्याट्री २. ईन्भरटर ब्याट्रीमा ईन्भरटर ब्याट्रीमा कम्पनिहरुले लेभलर राखिदिएको हुन्छ । यसमा पानीको मात्रा इन्डिकेटरको भित्र रहेको निडिलले देखाउंछ । पानीको मात्रा कम हुंदै गएमा भित्रको निडिल रातो लाइनमा पुगेमा निडिललाई हरियो लाइनसम्म पुग्ने गरि डिस्टिल्ड वाटर थप्नु पर्छ । हरियो लाइन भन्दा माथि थप्नु हुंदैन । ब्याट्रीमा इलेक्ट्रोलाइट संधै हरियो र रातो लाइनको बीचमा हुनु पर्दछ । कहिले काहीं इन्डिकेटर बिग्रेमा पनि सहि मात्रा नदेखाउन सक्छ । यो इन्डिकेटर बजारमा कहिं-कतै पाइन्छ ।

ब्याट्रीमा नै किन प्रयोग गर्ने ? ब्याट्रीलाई लामो समय सम्म चलाइराख्नको लागी डिस्टिल्ड वाटर र यसको शुद्धता महत्वपूर्ण भुमिका हुन्छ । फेरि ब्याट्रीमा कम हुने भनेको पानीको मात्रा मात्र हो, एसिडको मात्रा कहिले पानि कम हुंदैन वा सुक्दैन । त्यसैले एसिड पनि ब्याट्रीमा प्रयोग गर्नु हुंदैन । त्यसकारण यी कारणहरुले गर्दा हामीले ब्याट्रीमा डिस्टिल्ड वाटर नै प्रयोग गर्नुपर्छ । १. शुद्धता डिस्टिल्ड वाटरमा धाराको पानी वा अन्य स्रोतहरूमा हुने अशुद्धता र खनिजहरू हुंदैन । क्याल्सियम, म्याग्नेसियम र आइरन जस्ता तत्त्वहरूले ब्याट्री प्लेटहरूमा खराब प्रतिक्रिया गर्छ, जसले ब्याट्रीको दक्षता कम गर्छ । २. इलेक्ट्रोलाइटको सन्तुलन लिड एसिड ब्याट्रीहरूमा सल्फ्यूरिक एसिड र पानीको मिश्रणलाई इलेक्ट्रोलाइटको रूपमा प्रयोग गरिन्छ । समयको साथ, इलेक्ट्रोलाइटमा पानी वाष्पीकरण हुन सक्छ वा इलेक्ट्रोलाइसिसको कारण पानीमा हुने आयोनहरु टुट्न सक्छ जसले गर्दा ब्याट्रीमा पानीको मात्रा कम हुन्छ र यसलाई उचित मात्रमा पुन: भर्न आवश्यक छ डिस्टिल्ड वाटरको प्रयोगले इलेक्ट्रोलाइटमा कुनै अतिरिक्त रसायन वा अशुद्धताहरू नभएको सुनिश्चितता हुन्छ, जसले गर्दा ब्याट्रीको रासायनिक सन्तुलन कायम भैराख्छ । ३. पूर्ण रुपमा काम गर्न डिस्टिल्ड वाटरको प्रयोग गर्दा अन्य रसायनिक प्रतिक्रिया नहुने र अन्य क्षति नहुने हुनाले ब्याट्रीले आफ्नो काम पुर्ण रुपमा गर्छ । ४. ब्याट्रीको आयु डिस्टिल्ड वाटरमा दूषित पदार्थहरू नहुने हुनाले ब्याट्री भित्र अनावश्यक रासायनिक प्रतिक्रियाहरू हुंदैन, यसले ब्याट्री प्लेटहरुमा क्षति नहुने हुनाले लामो समयसम्म टिक्छ । ५. ह्रास रोकथाम डिस्टिल्ड नगरियको पानीमा खनिज तत्व र अन्य अशुद्धताले टर्मिनल र कनेक्टरहरू सहित ब्याट्री कम्पोनेन्टहरूमा खिया लाग्ने तथा अन्य ह्रास निम्त्याउंछ । डिस्टिल्ड वाटरले ब्याट्री र यसका कम्पोनेन्टहरूको भौतिक अवस्था कायम राख्न मद्दत गर्छ ।

कार स्टार्टिङ नहुनुका ३ प्रमुख कारणहरू आफ्नो गाडी के-कारणले स्टार्टीङ्गमा समस्या आउन सक्छ भनेर हामीले थाहा पाइ राख्नु पर्छ र आवश्यक पनि छ, जसले गर्दा हाम्रो समस्याको समाधान छिटो हुन सक्छ । ३ मुख्य कारणहरुको बारेमा जानी राखौं । १. डिस्चार्ज वा खराब ब्याट्री ब्याट्री डिस्चार्ज वा खराब हुँदाका लक्षणहरू : ड्यासमा बत्ती नबल्ने र बाहिरी बत्तीहरूले काम नगर्ने ( ब्याट्री पूर्ण रूपमा डिस्चार्ज हुँदा )। ड्यासमा बत्तीहरू बल्छन्, तर स्टार्ट गर्न चाबी घुमाउँदा वा स्टार्ट बटन थिच्दा केही हुँदैन वा ड्यास बत्तीहरू मधुरो हुन्छन् (जब ब्याट्रीमा बत्तीहरू चलाउन पर्याप्त चार्ज हुन्छ, तर स्टार्टर मोटर चलाउन पर्याप्त हुँदैन) । स्टार्ट गर्दा, स्टार्टरले एक पटक वा बारम्बार क्लिक गर्छ, तर इन्जिन स्टार्र गर्न सक्दैन । वा, स्टार्टरले इन्जिनलाई बिस्तारै घुमाउँछ र त्यसपछि रोकिन्छ (जब ब्याट्रीमा केही चार्ज हुन्छ तर कार सुरु गर्न पर्याप्त हुँदैन)। ब्याट्री कम चार्ज भएको छ कि छैन भनेर जाँच गर्ने एउटा सरल तरिका यहाँ छ: विन्डशील्ड वाइपरहरू खोल्नुहोस् । यदि तिनीहरू सामान्य भन्दा धेरै ढिलो चल्छन् भने, ब्याट्री कम चार्ज भएको छ । ड्यास बत्तीहरू हेर्नुहोस् यदि तिनीहरू इन्जिन स्टार्ट गर्दा धेरै गाढा हुन्छन् वा तपाईंले वाइपरहरू खोल्दा मधुरो हुन्छन् भने, ब्याट्री कम चार्ज भएको छ । यदि ब्याट्रीमा चार्ज कम र धेरै पुरानो छैन भने, यसलाई रिचार्ज गर्न सकिन्छ। यो गर्ने एउटा तरिका भनेको अर्को कार वा स्पेयर ब्याट्रीबाट आफ्नो कारको ब्याट्री बढाउनु हो, कार सुरु गर्नुहोस् र इन्जिनलाई केही समयको लागि चल्न दिनुहोस्। इन्जिन चलिरहेको बेला, अल्टरनेटरले ब्याट्री रिचार्ज गर्दछ । यदि ब्याट्री ५-७ वर्ष भन्दा पुरानो छ भने, यो बिग्रेको हुन सक्छ (कम क्षमता छ), त्यसैले यदि तपाईंले यसलाई बुस्ट गर्नुभयो र चार्ज गर्नुभयो भने पनि, यसले चार्ज रोकेर राख्न सक्दैन र तपाईंले यसलाई बन्द गरेपछि कार फेरि स्टार्ट हुनसक्दैन । यस अवस्थामा, तपाईंले ब्याट्री फेर्नु पर्ने हुन्छ । के खराब अल्टरनेटरले कार स्टार्ट गर्न सक्दैन ? यदि अल्टरनेटर खराब छ भने यसले ब्याट्री रिचार्ज गर्दैन र केही समय पछि ब्याट्री डिस्चार्ज हुन्छ । तर यदी ब्याट्री राम्रो र चार्ज गरिएको छ भने, अल्टरनेटर छ भने पनि कार स्टार्ट हुन्छ । ब्याट्री चार्जको अवस्था Vs क्षमता: ब्याट्रीको क्षमता भनेको यसले सम्भावित रूपमा कति चार्ज समात्न सक्छ र सामान्यतया कोल्ड क्र्याङ्किङ एम्प्स वा CCA मा मापन गरिन्छ। चार्जको अवस्था भनेको ब्याट्रीले अहिले कति चार्ज राख्छ। ब्याट्रीको चार्जको अवस्था जाँच गर्ने एउटा तरिका भनेको मल्टिमिटरले ब्याट्री भोल्टेज जाँच गर्नु हो। पूर्ण चार्ज भएको १२-भोल्ट ब्याट्रीमा १२.६ भोल्ट हुनुपर्छ। ब्याट्री भोल्टेज मापन गर्ने यदि भोल्टेज १२ भोल्ट भन्दा कम छ भने, ब्याट्री कम चार्जमा छ र चार्ज गर्न आवश्यक छ। ब्याट्रीको क्षमता जाँच गर्न, पहिले ब्याट्री चार्ज गर्नुपर्छ र लोड अन्तर्गत भोल्टेज जाँच गर्नुपर्छ। यदि ब्याट्री भोल्टेज १२.६ भोल्ट (पूर्ण चार्ज) को नजिक छ भने, हेडलाइटहरू खोल्नुहोस् र फेरि भोल्टेज नाप्नुहोस्। यदि ३० सेकेन्ड भित्र भोल्टेज १२ भोल्ट भन्दा कम भयो भने, ब्याट्री कमजोर छ वा प्राविधिक हिसाबले यसको क्षमता कम छ। पूर्ण क्षमतामा राम्रो पूर्ण चार्ज भएको ब्याट्रीले हेडलाइटहरू खोलेको १० मिनेट पछि पनि १२ भोल्ट भन्दा बढी कायम राख्नेछ । यदि ब्याट्रीमा कम क्षमता छ भने, यसलाई बदल्नु पर्छ। २. स्टार्टर मोटरमा हने समस्या स्टार्टर मोटर एक हेभी-ड्युटी डीसी मोटर हो, तर समयसँगै यो बिग्रन्छ। यो बिस्तारै बिग्रन सक्छ, पहिले बीचमा समस्याहरू निम्त्याउँछ वा यो एक दिन मात्र बिग्रन सक्छ। स्टार्टर मोटर समस्याका लक्षणहरूमा समावेश छन्: ब्याट्रीमा पर्याप्त चार्ज छ, तर पार्क वा न्यूट्रलमा स्टार्ट गर्दा केही हुँदैन, यदि स्टार्टर मोटर बिग्रिएको छ वा टर्मिनलमा खराब छ, खराब तरिकाले जोडिएको छ वा अन्य कारणले पावर प्राप्त गरिरहेको छैन भने । ब्याट्री ठीक छ, तर स्टार्टर मोटरले केवल एक क्लिक मात्र गर्छ, उदाहरणका लागि, जब स्टार्टर सोलेनोइड कन्टयाक्ट जीर्ण हुन्छन वा धेरै कार्बन जम्मा हुन्छ वा स्टार्टर मोटरको ब्रशहरू जीर्ण हुन्छन । ब्याट्री ठीक छ, तर स्टार्टर मोटरले ग्राइन्डिङ वा ‘स्ट्रेन’ आवाज निकालिरहेको छ र कार सुरु गर्दा बिस्तारै घुमिरहेको छ, यदि कुनै मेकानिकल समस्या छ, जस्तै खराब स्टार्टर मोटर शाफ्ट बुशिंग वा बियरिंगहरू । स्टार्टरले चलिरहेको जस्तो आवाज निकाल्छ, तर इन्जिनलाई घुमाउँदैन, जब स्टार्टर गियरको मेकानिकल समस्याको कारणले इन्जिनको फ्लेक्सप्लेट वा फ्लाईव्हील गियरसँग मिल्दैन । ३. स्टार्टिङ्ग सिस्टम अफ छ स्टार्टर मोटरलाई इन्जिन कम्प्युटरद्वारा नियन्त्रित गरिन्छ, जसलाई पावरट्रेन कन्ट्रोल मोड्युल वा PCM भनिन्छ। स्टार्टर मोटरलाई सञ्चालन गर्न अनुमति दिनु अघि, इन्जिन कम्प्युटरलाई पावर गरिएको हुनुपर्छ र यसले निम्न कुराहरू जाँच गर्नुपर्छ: चाबी राम्रोसँग मिले नमिलेको चेक गर्नु पर्छ । यदि कार न्यूट्रलमा स्टार्ट हुन्छ तर पार्कमा स्टार्ट हुँदैन भने, यो ट्रान्समिसन रेन्ज स्विचको समस्याको कारणले हुन सक्छ । यदि गाडीमा अटोमेटिक ट्रान्समिसन छ भने, कम्प्युटरले ब्रेक पेडल थिचियको छ कि छैन भनेर जाँच गर्छ । यदि ब्रेक लाइट स्विच वा सर्किटले काम गरिरहेको छैन भने, कार स्टार्ट हुँदैन । ब्याट्रीको टर्मिनलमा खिया लागेमा, राम्रो अर्थिंग नभएमा,  चाहिने मात्रामा तेल नभएमा, स्पार्किङ्ग प्लगमा समस्या भएमा, पम्प खराब भएमा, डिजेल, पेट्रोल फिलटर जाम भएमा आदि कारणहरुले पनि स्टार्टिङ्गमा समस्या हुन्छ।  कारणहरु आफैले पत्ता लगाई मर्मतको लागी जान सकिन्छ । How to identify car starting problem? स्टार्टिङ्ग समस्या सामान्यतया ब्याट्री, स्टार्टर मोटर, इन्धन वा इग्निशन प्रणालीको समस्याबाट उत्पन्न हुन्छ। How to know vehicle starting problem? कार स्टार्टिङ्ग नहुनुमा ब्याट्री, स्टार्टर मोटर, चाबी, स्टार्टिङ्ग सिस्टम, मेन तारमा खराबी, तेलको सप्लाईमा समस्या आदी हुन्छन । के को समस्या हो भनेर आधिकारिक सर्भिस सेन्टरमा चेक गराउनु होस । स्टार्टिङ्ग समस्या सामान्यतया ब्याट्री, स्टार्टर मोटर, इन्धन वा इग्निशन प्रणालीको समस्याबाट उत्पन्न हुन्छ। कार स्टार्टिङ्ग नहुनुमा ब्याट्री, स्टार्टर मोटर, चाबी, स्टार्टिङ्ग सिस्टम, मेन तारमा खराबी, तेलको सप्लाईमा समस्या आदी हुन्छन । के को समस्या हो भनेर आधिकारिक सर्भिस सेन्टरमा चेक गराउनु होस ।